O noso alumnado e as súas familias compartiron libros  na I Feira de troco do libro usado

"Imaxinamos" con An Alfaya

Hoxe visitounos An Alfaya e fíxonos soñar coa súa imaxinación de arco da vella.

Visitounos a BIBLIOCARAVANA

A Bibliocaravana comezou no noso colexio a súa andaina polos centros de ensino de Redondela.
Dúas eran as actividades ofertadas polas bibliotecas públicas xunto co Equipo de Normalización do Concello :
- Vanesa e Rosalía, dúas alumnas do IES de Chapela que cursan un ciclo de educación infantil, sorprenderon os máis pequenos cunhas sesións de contacontos.
- O alumnado de 2º ata 6º de primaria visitou unha caravana na que poideron manipular libros e documentos nas diferentes linguas de toda a xeografía da Península. Por problemas técnicos, non foi posible a proxección dunha curta.

Sesións de teatro lido

Para celebrar o día mundial do teatro, durante a hora de ler, realizaremos tres sesións de teatro lido a cargo do alumnado de primaria:

30 de marzo alumnado de 5º e 6º

31 de marzo alumnado de 1º e 2º
1 de abril alumnado de 3º e 4º

Pequenos poetas

 @s alumn@s de 2º de primaria recitaron para os seus compañeiros de ciclo un bonito conto rimado que compuso Xosé Cermeño e que foi publicado por Xerais dentro da obra Quéroche contar un conto. O recitado completouse coa proxección de debuxos alusivos a cada estrofa que foron realizados polos propios nen@s.

Os maiores memorizaron e recitaron poemas dos clásicos e dos non tan clásicos. Como eles tamén son grandes poetas demostráronnos con pequenas composicións sobre temas actuais.

Open publication - Free publishing - More poemas

Os libros sempre está aí, tamén no entroido.

Duendes e ninfas, xoaniñas, aves , árbores, flores, esquíos, lobos e zorros puidéronse ver na tarde do xoves na parroquia de Quintela no desfile de entroido.

Por primeira vez no noso centro, os disfraces confeccionados polo noso alumnado tomaron como tema de referencia o do proxecto da biblioteca para o presente curso escolar, os bosques.