LETRAS GALEGAS 2020

Este ano o Día das Letras Galegas está adicado a homenaxear a Ricardo Carvalho Calero. Nos colexios faremos actividades para coñecer a este persoeiro pero os actos conmemorativos foron suspendidos, polas circunstancia actuais, ata o 31 de outubro.

Ricardo Carvalho Calero naceu en Ferrol o 30 de outubro de 1910. Estudou Dereito e tamén Filosofía e Letras en Santiago de Compostela con moi boas notas. Durante a guerra alistouse coa república e estivo dous ano preso en Xaén.
En 1958 ingresou na Real Academia Galega. Ao longo da súa vida publicou libros sobre a lingua galega: Historia da literatura galega contemporánea (1963) e Gramática elemental del gallego común (1966). Tamén é autor de obras de poesía, Vieiros (1931); narrativa, Scorpio (1951); teatro, Catro pezas (recopilatorio); ensaio...
Foi profesor no instituto Rosalía de Castro de Santiago e na Universidade de Santiago de Compostela. Mentre seguiu publicando obras relacionadas coa lingua e literatura galegas e obras de creación. Faleceu o 25 de marzo de 1990.